Індет те міндет жүктейді

Қазақстан аумағында тө­тен­ше жағдай режимі аяқ­тал­­ғанмен қатерлі ін­дет әлі сейіле қойған жоқ.­ Се­бебі күн санап вирус­ жұқ­тыр­ғандар саны өсіп жатыр. Босаңсуға әлі де ер­те екенін тұрғындар да ұғы­нуы қажет. Қоғамдық орын­­дар мен адам көп шо­ғыр­­ланатын жерлерде са­­ни­тарлық тазалықты сақ­та­­ған жөн.
Сырдария аудандық әкімдігінің жанынан құрылған өңірлік жедел штаб мониторингтік топ мүшелері арнайы рейд жүргізді. ҚР Бас мемлекеттік санитариялық дәрігерінің қаулыларында айтылған талаптардың сақталуын бақы­лаған жедел штаб қоғамдық орындардағы бірнеше қателікті анық­тады. Айтар бол­сақ, кент орталығында орналасқан «Шаңырақ» кафесінің қызметкерлері бетперде кимеген, қонақтарға арналған залда ара-қа­шықтық сақталмаған. Ал күніне бірнеше мәрте кәсіпкер өзіне тиесілі аймақты дезинфекциялап, желдетуі тиіс. Бұл талапты сұраған штаб мүшелеріне кәсіпкер өкілінің айтар жауабы да болмады. Тәртіпті сақтау ескертілді.
Иә, тәртіп пен заң бәрімізге ортақ. Оны талап еткендегі мақсат халықтың денсаулығына алаңдаушылық таныту. Себебі мемлекетте басты байлық – адам саулығы. Бұл тұста эпидемияға қарсы шараны қатаң сақтап отырған қоғамдық орындар да бар екенін айта кеткен жөн. «Халық банкінің» аудандағы филиалы басшысына жолыққан сәтте жұмыс бөлмесінде арнайы бетпердемен отырғанын көрдік. Мұнда келсеңіз антисептик пен тұрғандар көбейген сәтте ара-қашықтық сақталуы тиіс жолақтардың да сызбасын байқайсыз. Мамандар толығымен медициналық қолғаппен, бетпердемен жұмыс істеп отыр.
«Айша» қоғамдық тамақтану орны және ломбардтардың да жұмысы жүйелі жүруде. Тұрғындарға бетпердесіз кіреуге рұқсат жоқ мұнда. Бас санитардың қау­лы­сымен кезең – кезеңімен іске қо­сы­латын мекемелер мен кәсіпкерлік нысандарға да індетке қарсы түсіндірме жұмыстары жүргізілді. Ал бақылаушы орган мүшелері аталған шара алдағы уақытта өз жалғасын табатынын, санитарлық тазалықты қатаң сақтауды тағы ескертеді.

Майя ҚОЖАБАЙ