Ғасыр індеті
Соңғы онжылдықта бүкіл әлемде терроризм мен экстремизмнің құбылысы, оның нысандары мен көріністері байқалуда. Саясатта белгілі бір бағыт ретінде экстремизм радикалды көзқарастарды жүзеге асырудың түрлі әдістерін ұстанады. Ол мемлекеттің тұтастығына, қоғамның бірлігіне қатер төндіріп, зорлық-зомбылықпен, фанатизммен, өздерінің принциптерін қорғай алмайтынымен, ымыраға келмеуімен сипатталады. Өзінің қауіпті тәжірибесінде экстремизм терроризммен тығыз байланыста. Жаһандық зұлымдықпен күресудің тиімді әдістері мен нысандарын зерттеуге арналған мемлекеттік бағдарламалар мен арнайы ақпараттық-насихаттық топ құрылып, ауылдарды аралады. Аудандық ішкі саясат бөлімінің ұйымдастыруымен Қалжан ахун, С.Сейфуллин, А.Тоқмағанбетов ауылы тұрғындарымен кездесті. Шараға аудандық орталық мұсылмандар мешіттің бас имамы Асхат Асқаров қатысып, қазіргі таңдағы террозим мен экстремизм ұғымының мәнін түсіндірді. Мұнымен қоса аудандық жастар орталығының директоры Ғ.Оралов пен полиция бөлімінің криминалды полиция бөлімшесінің жедел уәкілі Р.Әптіханов қатысты.– Жастардың діни көзқарасы әлі де өзекті мәселе болып табылады және жүйелі талдауды қажет етеді. Әр түрлі себептермен дәстүрлі дінді жоққа шығаратын адамның көзқарастарына негізделген жастардың діни ізденісі ХХІ ғасырдың жалпы көрінісін табады. Жастар – біздің мемлекетіміздің болашағы, олар бізден күнделікті қамқорлық пен тынымсыз ілтипатты қажет етеді. Жастарымыздың адамзаттық болмыстағы, әсіресе дін саласы сияқты нәзік саладағы құнды бағдарларын білу өте маңызды. Себебі адамның жеке тұлға ретінде көбінесе жас жылдарында қалыптаса бастайды, – деген бас имам жастарға дұрыс діни бағыт беріп, олардың назарына тек жақсы дүниелерді көрсету керектігі жайлы пікір білдірді.
Тұрғындар арасындағы сауалдар зікір салуға діннің рұқсаты бар ма, діни салт-жоралғылар мен исламдағы отбасы құндылығы төңірегінде болды. Діни көзқарастағы (деструктивті діни бағыттардың ықпалына түскен) кейбір жас азаматтар өздерін қоғам мен мемлекетке қарамақарсы қойып, қазақ халқының рухани мәдениетіне және ұлттық дәстүрлеріне теріс көзқараспен қарайтын болды. Оларда тіпті зорлық-зомблық тәсілдерін қолданумен мемлекетіміздің саяси құрылымдағы зайырлы сипатын өзгертуге ықыластары пайда болуда. Бұл көріністер қоғамда жаңа саяси-әлеуметтік пішіндердің қалыптасуына себептес. Жалпы, дін саласында мемлекетімізде көп жұмыстар атқарылып жатыр. Салыстырмалы түрде қысқа мерзімде ұйымдастырылған жұмыс өзінің нәтижесін беріп, ал оның тиімділігі бірлікпен бірте-бірте өседі.
Майя ҚОЖАБАЙ
