Сырдария аудандық ішкі саясат бөлімінің қолдауымен, «Иман-2013» қоғамдық қорының ұйымдастыруымен «Терроризмге қарсы әрекеттің және діни экстремизмнің алдын алу, этносаралық және конфессияаралық келісімді нығайту қызметтерін ұйымдастыру» мемлекеттік әлеуметтік жобасы аясында Республикалық ақпараттық түсіндіру тобының мүшесі Аманкелді, Қоғалыкөл және Шіркейлі ауылдық округ тұрғындарымен кездесті.

Осы орайда, Қызылорда қалалық «Мүсірәлі ата» мешітінің имамы, республикалық ақпараттық түсіндіру тобының мүшесі Арынов Берік Сүйіндікұлы – діни экстремизм мен терроризм, теріс пиғылды діни ағымдар туралы жан-жақты баян етті. Дін тарихы мен дін тармақтарын саралай келіп, бүгінгі таңда көп айтылып жүрген теріс діни ағымдардың іс-қимылы туралы ақпарат берді.

Сонымен қатар, аудандық «Мұсылмандар» мешітінің найб имамы А.Молдабеков, облыстық дін мәселелерін зерттеу орталығының аудан бойынша маманы А.Нұрзылда аудан бойынша діни экстремизмнің алдын алу жолындағы атқарылып жатқан жұмыстар жайында баяндады. Жиын соңында мамандар, ең бастысы, ұлтаралық татулықты нығайту және қауіпті діни ұйымдарға көп болып қарсы тұрудың маңыздылығын атап өтті.