Болашаққа үміт – жастарға сенім

Қоғалыкөл ауылындағы №44 орта мектебінде «Болашаққа үміт – жастарға сенім» тақырыбында жастар онкүндігі өткізілді. Онкүндік аясында ұстаздар мен оқушылар бірқатар іс-шара ұйымдастырды.

Жастар онкүндігінде Бибіажар Көшекбаева «Бағалаудағы тест тапсырмаларын құрастыру» тақы­ры­бында жас мамандарға кеңес берсе, Сағындық Қойшыбаев пен Жасұлан Дүзелбаев «Дара жол» бағдарламасы негізінде үздік диқаншы Зарқұм Смағұловпен кез­десу өткізді. Кездесуде 9 сынып оқушысы, жас ақын Ақылбек Кетабай диқанға арнап өлең оқыды. Гүлшат Ержігітованың «Абай Ку­нан­баев – великий просве­титель казахского народа» тақы­ры­бында мектепішілік шарасы көп­шілік көңілінен шықты. Еркін Сүлейменов «Әкем анам және мен» атты отба­сылық сайыс ұйымдастырып, онкүндіктің нәтижелі өтуіне атса­лысты. Тартысты өткен сайыс қорытындысында «Достық» тобы І орын алып, марапат биігінен кө­рінді. Сондай-ақ Айнұр Жалтырова дарынды ақын М.Мақатаевтың шы­­­ғармашылығына арналған «Три счастья» тақы­рыбында ашық сабақ өткізді. Әсемай Қуаныш Абай Құнанбайұлының шығармашылығы жөнінде жақсы эссе жазып, ұстаздарының оң бағасына ие болды. Сонымен бірге биыл 175 жылдық мерейтойы той­ланатын ұлы ақынды ұлықтау мақсатында Жазира Сүлейменова ұйымдастырған «Ұлы даланың – ұлы тұлғасы» тақырыбындағы сыныптан тыс шарада ерекше белсенділік танытқан Кеңес Дарын марапатталды. «Білгірлер бәйгесі» интеллектуалды сайы­сын Жангерім Қосжанова, Мадина Смағұлова, Назира Сарым­бетова бірлесе ұйымдастырды. Интел­лектуалды сайыс қорытындысында 10 сы­нып­тан құралған «Red Orda» то­бы бас жүлдені жеңіп алды. Ал Клара Ибраева мен Жадыра Каримова «Өшпейтұғын артында із қалдырған» тақырыбында тағы­­лымды шара өткізіп, 4 сы­ныптан құралған «Дара тобы» жеңіске жетті. Ұжым қыз­меткерлері мен оқушылар бел­­­сене қатысқан Ерсұлтан Ами­ровтың «Эстафеталық са­йыс­ында» «Сұңқар» тобы І орынды қанжығасына байлады. Сонымен бірге, Тұрар Жағыпаров оқушылардың белсенділігін арт­тыру бағытында «Сынып да­ра­бозы» атты іс-шара өткізді. «Сынып дарабозы» атағы Әсет Қуанышқа берілді. Онкүндікте күн­делікті үзілісте оқушыларға сұрақ қою және олардың білім­дерін бағалау бағытында да іс-шара өтті. Оқушылардың бос уақытын тиімді пайдалану бағы­тында өткен қызықты шарада Айдана Жалғасова үздік деп танылды. Осылайша, жастар он­күн­дігі жоғары деңгейде қоры­тындыланып, ұстаздар мен оқушылар мектеп директоры С.Қаю­повтың Алғыс хатымен мара­патталды.

Майя ҚОЖАБАЙ