Бесарықтық еңбеккерлер автокөлік мінді

Берекесі тасыған Бесарықта "Алтын дән" мерекесі болып өтті.

Мерекені "Бесарық" ЖШС-нің төрағасы Дәулет Абайұлы ашып, ауыл еңбеккерлерін құттықтады. Жыл бойғы еңбектің өтеуі іспетті марапаттау туралы қаулыны жұртшылыққа хабарлап, диқан қауымын марқайтып, абыройын асқақтатты.

Салтанатты шарада шаруашылықтың еңбеккерлері бағалы сыйлықтармен марапатталса, механизатор Ә.Өтепов пен шаруашылық төрағасының орынбасары М.Кішкенбаев "Нива" автокөлігін тізгіндеді.

Облыстық филармонияның өнерпаздары концерттік бағдарлама ұсынып, әншілер орындаған әннің соңы отшашуға ұласты.

Б.ЖАНӘЛІ