Осындай тақырыптағы концерттік бағдарламаны Бесарық ауылының өнерпаздары аудан тұрғындары назарына ұсынып, көрерменнің ыстық ықыласына бөленді.
Шара барысында ауыл әкімі Н.Жүсіпова сөз алып, айтулы мерекемен берекелі Бесарық халқы атынан құттықтады. Сонымен қатар қашанда бірлігі жарасқан ауданның зор жетістіктерін тілге тиек етті. Өз кезегінде ауыл өнерпаздары патриоттық ән шырқап, би қойылымын ұсынды. Концертте негізінен дуэт болып ән шырқаған жастар мен аға буын өкілдері көпшілік көңілінен шықты.
Мерекелік шара соңында аудан тұрғындары мен қонақтары отшашуды тамашалады.