"Дала дидары" – ауылда
Күз – молшылық айы. Берекесі тасыған маусымда ауыл еңбеккерлері тынымсыз еңбек етіп, егінді төкпей-шашпай жинап алуға асығады. Оларға бір мезет тынығып алып, жақсы ән тыңдап, көңіл-күй сыйлауға асыққан ауданның көркемөнерпаздары жақында егінжайда болды.Аудандық мәдениет үйі жанындағы «Дала дидары» халықтық мәдени - үгіт бригадасы ел Президенті Қасым–Жомарт Тоқаевтың «Сыңдарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауын халыққа насихаттау мақсатында Шаған, Ақжарма ауылдарының шаруашылық қырманында болып, ауыл еңбеккерлеріне «Ауыл – ел бесігі» атты концерттік бағдарлама ұсынды. Керемет әншырқаған үгіт бригада мүшелеріне ауыл еңбеккерлері дән риза болды.
Б.ЖАНӘЛІ
