Халықтың тілегі орындалған күн

Шара барысында аудан әкім­дігіне қарасты мемлекеттік орган өкілдері, құқық қорғау, ден­саулық сақтау, білім беру, ауыл­ шаруашылығы, тұрғын үй, жер қатынастары және халыққа қыз­мет көрсету салаларына қа­тысты әлеуметтік мәселелер бойын­ша тұрғындардың өтініш­терін тыңдап, түсіндірме жұмыс­тарын жүргізді.

Аудан тұрғындары нәти­желі жұмыспен қамту, тұрғын үй кезегі, жер алу, мемлекеттік бағдарламалар, кәсіпкерлік, мү­­­­ге­­дектікті рәсімдеу секіл­ді мә­селелер бойынша көмек­ке жүгінді. Ке­ліп түскен өтініш­тердің нәти­желері бойынша тұрғындарға толыққанды жауап берілді. Сала мамандарына еркін сұрақ қойып, жан-жақты жауап алған аудан азаматтары акцияны ұйымдастырушыларға алғыстарын жеткізді.

Естеріңізге сала кетейік, бұған дейін бұл жоба ел астанасы Нұр-Сұлтан қаласынан бас­тау алып, республика бойынша бір мезетте 1000-нан астам заңгер 15 мың тұрғынның мәселесін шешіп, Гиннестің рекордтар кітабына енген болатын.

Майя ҚОЖАБАЙ