Эстафеталық жарыста кім жеңімпаз атанды?

Кент орталығындағы №2 «балдәурен» балабақшасында тәрбиеші әсел төлегенованың ұйымдастыруымен «Біз шыныққан баламыз» тақырыбында эстафеталық жарыс өтті. Оған «қарлығаш» ересектер тобының бүлдіршіндері қатысты.

Баланың денсаулығын сақтау және нығайту, саламатты өмір салтын қалыптастару мақсатында өткізілген жарыс 4 кезеңнен тұрды. Жарыстың шымылдығын «Жас қыран» және «Жас ұлан» тобының мүшелері өздерінің таныстыруымен ашты. «Кім жылдам?» сайысында әр қатысушы кубикпен жүгіру арқылы мәреге бірінші жетуге талпынды. «Қапшықпен секіру» сайысында олардың жылдамдығы мен ықшамдығы сараланды. Ал үрлемелі атпен секіру барысында кедергілерден мүдірмей өту талабы қойылды. Дәлдік пен сауатты іс-қимылды қажет ететін «Кеглиді доппен құлату» сайысында қатысушылар жеңімпазды анықтады.

Осылайша дене белсенділігін арттырып, бүлдіршіннің спорттық қабілетін шыңдауға септігін тигізген жарыста ерекше ойынымен даралағандар марапатталды.

Балтабай ОРДАБЕКОВ