Қоғамның әл-ауқатының басты көрсеткіші – адамның денсаулығы болса, денсаулықты нығайту мен саламатты өмір салтын қалыптастыруда спорттың алар орны ерекше. Бүгінде Сырдария ауданы бойынша балаларды дене шынықтыру және спортқа баулы бағытында 125 спорттық нысан жүйелі жұмыс жасауда. 2017 жылы аудан көлемінде 173 спорттық жарыс өткізіліп, оған 14922 спортшы қатысты. Жалпы, аудан бойынша 10630 спортшы жүйелі түрде спортпен айналысуда. Бұл халыққа шаққанда 27,2 пайызды құрап отыр. Биылғы жылы да аудан орталығы мен ауылдық округтерде түрлі спорттық іс-шаралар өткізілмек. Оның ішінде, Сырдария ауданының құрылғанына 90 жыл толуына орай республикалық деңгейде қазақша күрестен турнир ұйымдастырылады.