Қол күрестің жеңімпаздары

Сырдария аудандық спорт клубы КММ ұйымдастыруымен жасөспірімдер арасында қол күрестен жарыс өтті. Спорттық жарысқа Сырдария аграрлы-техникалық колледж студенттері белсене қатысты.

Білегі ең мықты екендігін дәлелдеген колледж студенттері Ербол Жеңіс қарсыластарының барлығын жеңіп, бірінші орын алды. Ол коллежде "Ғимараттарды салу және пайдалану" мамандығына 2 курста оқиды. Ал қыздар арасында Надежда Гориводскаяға шақ келген қарсылас болмады. Надежда болашақ тігінші. Ол колледждегі №46 топта "Киімдерді үлгілеу" мамандығының 3 курс студенті.

Жарыс жолына шыққан басқа колледж студенттері жүлделі орындар тұғырынан көрініп, жалпы командалық есепте бас жүлде иеленді.

Б.ТАҢАТАРҚЫЗЫ