Тіршілік тынысы Сырдария аудандық қоғамдық-саяси газет

PDF нұсқалар мұрағаты

62 газет

18 тамыз 2018 ж.

61 газет

14 тамыз 2018 ж.

60 газет

11 тамыз 2018 ж.

Жаңалықтар мұрағаты

«    Тамыз 2018    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » БАЙҚАУ ЖЕҢІМПАЗДАРЫ МАРАПАТТАЛДЫ

БАЙҚАУ ЖЕҢІМПАЗДАРЫ МАРАПАТТАЛДЫ


Апта ағымында аудандық мекемелер үйінің мәжіліс залында «Рухани келісім күніне» орай ұйымдастырылған шығармалар байқауының жеңімпаздарын марапаттауға арналған жиын өтті. Жиынға «Иман – 2013» қоғамдық қорының төрағасы М.Келдібаев, аудандық «Жастар ресурстық» орталығының кеңесшісі С.Сыздықова қатысып, байқау қорытындысын мәлімдеді.
Аудандық ішкі саясат бөлімінің қолдауымен «Иман – 2013» қоғамдық қорының ұйымдастыруымен «Рухани келісім – бейбітшілік кепілі» тақырыбында өткен дәстүрлі шығармалар байқауы биыл да жоғары деңгейде ұйымдастырылды. Байқауға білім беру мекемелерінің қызметкерлерімен қатар, студенттер, сонымен бірге оқушылар қатысқан. Бұл байқаудың ашықтыққа негізделгенін және деңгейінің артқанын білдіреді. Кәсіби мамандардан құралған қазылар алқасы байқауға ұсынылған шығармалардың мәніне, маңызына және тақырыптың ашылуына мән берген. Соған сәйкес, шығармалар байқауының жеңімпаздар ыанықталған. Атап айтқанда, Сырдария агро-техникалық колледж студенттері Құралай Досмағанбет мен Гүлсая Жапбарова ынталандыру сыйлығына лайықты деп танылды. Жүлделі ІІІ-орындар Сырдария агро-техникалық колледж мұғалімі Гүлстан Исмайлова мен Шаған ауылындағы №37 мектеп-лицейінің мұғалімі Эльмира Бисембаеваға бұйырды. Сондай-ақ, ІІ-орынды Гүлназым Саматова қанжығасына байлады. Ал, І-орын тұғырынан кенттегі №131 Т.Қозыбаев атындағы орта мектептің бастауыш сынып мұғалімі Махаббат Сайымова мен шағандық оқушы Назым Серікбаева көрінді. Жеңімпаздарға арнайы алғыс хат, қаржылай және естелік сыйлықтар берілді. Байқауды қорытындылаған «Иман – 2013» қоғамдық қорының төрағасы М.Келдібаев қатысушыларға алғысын айтып, жұмыстарына жеміс тіледі.
Ақтөре Ибрагимұлы
30 қараша 2017 ж. 195 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам