Құқықтық оқыту барысында аудандық мәслихат аппаратының заңгері Гүлнаш Еспенбетова депутаттарға арналған заңнамалық лекцияны оқыды. Мұнда «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 заңы бойынша мәліметтер келтірілді. Құқықтық оқытуда заңмен белгіленген «Мәслихат депутатының өз өкілеттіктерін жүзеге асыру кезіндегі құқықтары, міндеттері мен жауапкершілігі», «Депутаттық сауалдар» туралы, сонымен қатар осы заңды басшылыққа алып әзірленіп, бекітілген Сырдария аудандық мәслихатының регламентінің алты бөлімі «Депутаттық этика» жайлы баяндалды. Халық қалаулыларының құқықтық норманы сақтап, заңға тиісті деңгейде бағыну керектігі айтылған. Депуттардың құқықтары мен міндеттері сараланған. Осылайша құқықтық оқытуда аудан депутаттары халықпен жұмыс жасауда нені ескеру керектігі ескертілді. Жауаптылық тұрғыдан маңыздылықтарына айрықша мән берілді.
Сырдария аудандық мәслихат аппаратының бөлім басшысы Сталбек Тобағұлов алдағы уақытта мәслихат депутаттарының ел халқына есеп беру кестесімен, жұмыс жүргізу барысымен таныстырды.
Аудандық мәслихат хатшысы Ержан Ертарғынұлы мәслихат депутаттарына құқықтық тұрғыдан қызмет етуге кеңес берді. Алдағы есеп беру жұмыстарына ыждағаттылық керектігін айтты.