Ерлан Ұзақбаев жаңа қызметке тағайындалды
Қызылорда қалалық санитариялық-эпидемиологиялық бақылау басқармасының басшысы болып Ұзақбаев Ерлан Амантайұлы тағайындалды.Е. Ұзақбаев 1987 жылғы 10 наурызда Қызылорда облысы, Сырдария ауданы, Тасбөгет кентінде дүниеге келген.
2002-2006 жж. Қызылорда медициналық колледжін "Фельдшер" мамандығы бойынша, 2006-2012 жж. Ақтөбе қаласындағы М.Оспанов атындағы Батыс Қазақстан мемлекеттік медицина университетін «Санитарлық дәрігер, дәрігер эпидемиолог» мамандықтары бойынша тәмамдаған.
Санитариялық-эпидемиологиялық бақылау саласында 2012 жылдан бері қызмет етеді.
Тағайындауға дейін Сырдария аудандық санитариялық-эпидемиологиялық бақылау басқармасы басшысы қызметін атқарды.
2021 жылғы 12 наурыздан бастап Қызылорда қалалық санитариялық-эпидемиологиялық бақылау басқармасының басшысы.
