Санитарлық талаптарды сақтау шаралары түсіндірілді

Аудандық тауарлар мен көрсетілетін қызметтердің сапасы мен қауіпсіздігін бақылау басқармасының мамандары "Өндірістік коммуналды мақсаттағы объектілерге қойылатын санитариялық-эпидемиологиялық талаптар" тақырыбында семинар өткізді.

Семинарда басқарманың бас маманы М.Самалықов халыққа қызмет көрсететін коммуналды нысандарында сақталуға тиісті санитариялық талаптар туралы түсіндіру жұмыстарын жүргізді.

– Коммуналдық мақсаттағы объектілерді орналастыру кезінде халықтың өмір сүруінің санитариялық-гигиеналық жағдайларын нашарлатуға жол берілмейді. Халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшелері берген санитариялық-эпидемиологиялық қорытынды болған жағдайда объектілердің құрылысын жүргізуге, реконструкциялауға және пайдалануға беруге жол беріледі, – деді бас маман.

Сонымен қатар монша, шаштараз секілді көпшілік баратын орындарда санитарлық талаптарды сақтау бойынша, зарарсындандыру құралдарын дұрыс пайдалану туралы түсіндірілді.

Б.ЖАНӘЛІ