Пробация қызметі: Әлеуметтік жоба бойынша іс-шаралар атқарылды

«Сырдария- Нұрдария» қоғамдық қоры аудан­дық жұмыспен қамту, әлеуметтік бағдарламалар жә­не азаматтық хал актілерін тіркеу бөлімінің 2022 жылы жариялаған «Бас бостандығынан айыру орындарынан босатылатындар және босатылғандарға, сонымен қатар пробация қызметінде есепте тұрған азаматтарға арналған қызметті ұйымдастыру» жоба­сымен жұмыс жасады.

Жобаның мақсаты – пробация қызметінің есе­бінде тұрған азаматтардың қоғамға деген көзқа­расын қалыптастыру, қайта қылмыс жасаудың алдын алу, жұмыссыз азаматтарды жұмыспен қам­ту, әлеуметтік және құқықтық көмек көрсету, мем­лекет­тік бағдарламаларды түсіндіру, кәсіп­керлік дағ­­дыларын қалыптастыру.

Іс-шара жоспарына сәйкес «Сырдария-Нұр­дария» қоғамдық қоры 2 рет семинар-тренинг, 2 рет кеңес беру жұмыстарын, 2 рет спорттық іс-шара, 2 рет мәдени іс-шара ұйымдастырып, 2 рет сауал­нама жүргізді. «Мектепке жол» акциясы ұйым­дастырылып, 10 балаға оқу құралдары және 1 рет қайырымдылық іс-шарасы өткізіліп, 25 отбасыға азық-түлік берілді. Аудандық «Тіршілік тынысы» газетіне 1 мақала жарияланды. Әлеуметтік желіде «Сырдария-Нұрдария» парақшасы ашылып, қордың атқарылған жұмыстар туралы ақпарат жарияланып отырды.

Қоғамдық қор тарапынан ұйымдастырылған іс-шараларға аудан бойынша пробация қыз­метінде есеп­те тұрған 42 азамат қамтылды.

Семинар-кеңестерге арнайы сала маман­дары, заң­герлер шақырылды. Мамандар әлеу­мет­­­тік оңал­тудың тиімді жүйесін қалып­тас­­тыру және қайта қылмыстар жасамаудың алдын алу бағы­­­­тында құ­қықтық түсіндірме жасап, құжат­­тамалар алу және мүліктік құқықтарды қалпына келтіру жөніндегі сұ­рақ­тарға жауап берді. Сондай-ақ, кәсіп жасаудың барлық алғышарттарын түсіндірді.

М.Омаров,
«Сырдария-Нұрдария»
қоғамдық қорының төрағасы