Тіршілік тынысы Tirshilik-tynysy.kz ақпараттық агенттігі
» » Жаза басқандарды қоғамға бейімдеу маңызды

Жаза басқандарды қоғамға бейімдеу маңызды

Аудандық полиция бөлімінің мәжіліс залында Қы­зылорда облысының жұмыспен қамтуды үйлестіру және әлеуметтік бағ­дарламалар басқармасының мем­лекеттік әлеуметтік жобасы негізінде «Қазақстан жастарының фракциясы» қоғамдық қорының өкілдері А.Ахметова және Э.Тойлыбекова Қы­зылорда облысы бойынша ҚАЖД-нің Сырдария аудандық пробация қыз­метінде есепте тұрған азаматтармен кездесу өткізді.

Кездесуде шахмат және қол күрес спорттық сайысын ұйымдастырып, «Күй­зелістен шығу жолдары» тақыры­бында психологиялық тренинг және «Консти­туциялық құқық негіздері» тақы­­рыбында әңгімелесу жүргізілді. Кезде­судің негізгі мақсаты пробация қызме­тінің есебінде тұрған азаматтардың қоғамға деген көз­қарасын қалыптастыру, қайта қылмыс жасамаудың алдын алу, жұмыссыз азаматтарды жұмыспен қамту, әлеуметтік және құқықтық көмек көрсету, кәсіп­керлік дағдыларын қалыптастыру болып табылады.

Іс-шараға Сырдария аудандық прокуратурасының прокуроры Ж.Сиха, аудандық пробация қызметінің өкілдері А.Сақыбеков, Н.Дүйсенбаев қатысып, құ­қықтық түсіндірме берді.
Есепте тұрған азаматтар тарапынан кері байланыс орнатылды. Сұрақтар қойылып, пікірлер тыңдалды. Белсенді қатысушы азаматтар мен спорттық са­йыс жеңімпаздары марапатталды.
Осындай іс-шаралар алдағы уақытта жоспарға сәйкес тоқсан сайын өткізілетін болады.

Ернар ЗҰЛҚАРНАЕВ,
аудандық жұмыспен қамту,
әлеуметтік бағдарламалар және
азаматтық хал актілерін тіркеу бөлімі басшысының орынбасары
26 маусым 2021 ж. 504 0