Тіршілік тынысы Сырдария аудандық қоғамдық-саяси газет
» » Пробация қызметі: Азаматтарды қоғам өміріне бейімдеу маңызды

Пробация қызметі: Азаматтарды қоғам өміріне бейімдеу маңызды

Апта ағымында аудандық жұмыс­пен қамту әлеуметтік бағдарлама­лар және азаматтық хал актілерін тіркеу бөлімінің қолдауымен «Ал­ғыр ой» коммерциялық емес жеке қорының ұйымдастыруымен кент мәдениет үйінде семинар-кеңес өт­кізілді.

«Бас бостандығын айыру орындарынан боса­тылған және босатылатын, сонымен қатар проба­ция қызметі есебіндегі азаматтарға арналған қыз­метін ұйымдастыру» жобасы аясында жүзеге асқан семинар-кеңеске аудандық сот төрағасы Р.Ал­дамбергенов, аудан прокурорының көмекшісі Ж.Сиха және аудан әкімінің орынбасары Т.Нұр­та­заев, аудандық жұмыспен қамту, әлеуметтік бағ­дарламалар және азаматтық хал актілерін тіркеу бөлімі басшысының орынбасары Е.Зұлқарнаев, ау­дандық жастар ресурстық орталығының директоры Ғ.Оралов, аудандық пробация қызметінің аға инс­пекторы А.Сақыбеков, «Алғыр ой» коммерциялық емес жеке қорының төрағасы Ғ.Болғанбаев, сала ма­мандары қатысты.

 Семинар-кеңесті ашқан аудан әкімінің орынбасары Т.Нұртазаев пробация қызметі есебінде тұратын азаматтарды қолдау барысы жайында айтты. Жыл сайын пробация қызметін үлестірудің кешенді жоспарларын таныстырды. Өз кезегінде аудандық пробация қызметінің аға инспекторы А.Сақыбеков аталған сала бойынша атқарылған жұ­мыстар жөнінде баяндама жасады.
– Бүгінде пробация қызметінің есебінде тұратын азаматтармен жан-жақты байланыс орнатылған. Жыл басынан бері арнайы жоба шеңберінде бір­неше іс-шара ұйымдастырылды. Сала маманда­рымен кездесу барысында олардың түйткілді мәселелері шешімін тапты. Аудан бойынша пробация есебінде тұрған 42 азамат бар. 2-5 жыл кө­лемінде бақылауға алынатын жандарға осыған дейін 76 мәрте денсаулығына байланысты көмек көрсетілді. Он адам жұмыспен қамтылды. Алдағы уақытта нақты жоспар негізінде азаматтарды қо­ғамдық іс-шараларға тарту жалғасын табатын болады, – деді аға инспектор А.Сақыбеков.

Келесі кезекте аудандық жұмыспен қамту, әлеу­меттік бағдарламалар және азаматтық хал актілерін тіркеу бөлімі басшысының орынбасары Е.Зұлқарнаев аудандық полиция бөлімімен бірлесіп атқарылған жұмыстар жөнінде мәлімет берді.

– Есепті кезеңде бас бостандығынан айыру орындарынан босатылған және пробация қызме­тінде есепте тұрған азаматтарға әлеуметтік-құ­қықтық көмек көрсетілді. Арнайы квота негізінде бос жұмыс орындарына азаматтарды орналастыру қарастырылған. Жалпы, аудандық жұмыспен қамту орталығының ұйымдастыруымен 2 жәрмеңке, 2 кон­­сультациялық-кеңесші органмен «Ашық есік» күні, әлеуметтік оңалту іс-шараларын жүргізу  мақ­сатында 4 спорттық іс-шара ұйымдастырылды.  «Мемлекеттік атаулы көмек туралы»  ҚР Заңына сәйкес, 1 адамға атаулы әлеуметтік көмек таға­йындалды.  «Мектепке жол» акциясы аясында 10 балаға көмек көрсетілді, – деді Е.Зұлқарнаев.

Семинар-кеңесте аудандық сот төрағасы Р.Ал­дам­бергенов пен аудан прокурорының көмек­шісі Ж.Сиха пробация қызметі есебінде тұратын аза­маттардың заң аясында шешілуі тиіс мәселелеріне тоқталды. Қоғам өмірімен тығыз байланыс орнатып, қайта қылмыс жасауға итермелейтін факторлармен жұмыс жасау керектігін ескертті. Әрбір азаматтың әлеуметтік жағдайына аса мән беріп, тұрмыстық әле­уетін саралау тетігін  ұйымдастыруды тапсырды.

Аудандық жастар ресурстық орталығының мамандары жиналғандарға арнап семинар-тренинг өт­кізді. Кент мәдениет үйінің өнерпаздары кон­церт­тік бағдарлама ұсынды.

Балтабай ОРДАБЕКОВ
27 қараша 2021 ж. 204 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам