Мемлекет Басшысының сарабдал саясатының арқасында өміршең болған игі бастамалардың бірі мемлекеттік «Балапан» бағдарламасы бүгінде елімізде, оның ішінде Сырдария өңірі тұрғындары үшін өте маңызды да тиімді, сонымен қатар өңір сәбилерінің болашағына үлкен қамқорлық болуда.
Қазіргі уақытта аудан бойынша мемлекеттік 17 балабақша, 4 жеке балабақша, сонымен қатар толық күнде жұмыс жасайтын 6 шағын орталықтар жұмыс атқаруда. 1-6 жас аралығында балалар кезегінде 722 бала тұр.
Осы ретте, сәбилерді мектепке дейінгі балалар ұйымына, яғни балабақшаларға орналастыру мақсатында оларды кезекке қою үшін 2015 жылдың 7 сәуірдегі Қазақстан Республикасы Үкіметінің №172 қаулысымен бекітілген «Мектепке дейінгі балалар ұйымдарына жіберу үшін мектепке дейінгі жастағы (7 жасқа толмаған) балаларды кезекке қою» мемлекеттік көрсетілетін қызмет стандарты бекітіліп, олар бүгінде тиісті органдар арқылы жүзеге асырылуда. Аудан орталығыдағы Халыққа қызмет көрсету орталығы және «Электронды үкімет» веб-порталы: www.e.gov.kz. арқылы жүргізілуде.
Балабақшаларға тіркеу және кезекке қою және жолдама беру жұмыстары бойынша атқарылатын мемлекеттік қызметті көрсету тәртібіне келер болсақ, әрбір Қазақстан азаматы өз баласын балабақшаға тіркету үшін көрсетілетін қызметті алушы көрсетілетін қызметті берушіге немесе ХҚКО-ға немесе электронды негізде жүгіне алады. Мемлекеттік қызмет жеке тұлғаларға тегін көрсетіледі. Сонымен қатар, бұл қызметтер Қазақстан Республикасының еңбек заңнамасына сәйкес, көрсетілетін қызметті берушінің белгіленген жұмыс кестесі бойынша демалыс және мереке күндерін қоспағанда, дүйсенбі – жұма аралығында сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін жүргізіледі.
Тағы бір айта кетерлік жайт, мемлекеттік қызмет алдын ала жазылусыз және жеделдетіп қызмет көрсетусіз кезек күту тәртібімен көрсетіледі. Және де ол ХҚКО Қазақстан Республикасының еңбек заңнамасына сәйкес, көрсетілетін қызметті берушінің белгіленген жұмыс кестесі бойынша демалыс және мереке күндерін қоспағанда, дүйсенбі–сенбі аралығында сағат 9.00-ден 20.00-ге дейін, үзіліссіз жұмыс атқарады. Сонымен бірге көрсетілетін қызметті алушының қалауы бойынша «Электронды үкімет» веб-порталы арқылы электронды кезекті «брондауға» болады.
Ендігі кезекте, мемлекеттік көрсетілетін қызметті алушы, не сенімхат бойынша көрсетілетін қызметті алушының уәкілетті өкілі, жоғарыда аталған мекеме бойынша көрсетілетін қызметті берушіге осы мемлекеттік көрсетілетін қызмет стандартына 1-қосымшаға сәйкес нысан бойынша өтініш, сәйкестендіру үшін баланың туу туралы куәліктің түпнұсқасы және көшірмесін, мектепке дейінгі ұйымға бірінші кезекте орын алу құқығын растайтын құжат (түпнұсқа және көшірме), сондай-ақ мемлекеттік көрсетілетін қызметті алушының, яғни ата-анасының бірінің немесе заңды өкілдерінің жеке басын куәландыратын құжатын тапсырады. Техникалық мүмкіндік болған жағдайда жеке басын куәландыратын құжаттар, баланың туу туралы куәлігі, мектепке дейінгі ұйымға бірінші кезекте орын алу құқығын растайтын құжат туралы мәліметтерді көрсетілетін қызметті беруші тиісті мемлекеттік ақпараттық жүйелерден электронды цифрлық қолтаңба қойылған электронды құжаттар нысанында алады.
Ал, балаларды мектепке дейінгі ұйымдарға тіркеу үшін тұрғындар Халыққа қызмет көрсету орталығына біріншіден көрсетілетін қызметті алушының заңды өкілдерінің бірінің жеке басын куәландыратын құжат(сәйкестендіру үшін), сонымен бірге мектепке дейінгі ұйымға бірінші кезекте орын алу құқығын растайтын құжат тапсырулары қажет. ХҚКО-ға өтініш берген кезде жеке басын куәландыратын құжаттар, баланың туу туралы куәлігі, мектепке дейінгі ұйымға бірінші кезекте орын алу құқығын растайтын құжат туралы мәліметтерді ХҚКО қызметкері тиісті мемлекеттік ақпараттық жүйелерден уәкілетті адамның электронды цифрлық қолтаңбасы қойылған электронды құжаттар нысанында алады.
Сонымен бірге, мемлекеттік көрсетілетін қызмет көрсетілетін қызметті алушыда ЭЦҚ болған жағдайда Портал арқылы көрсетіледі.
Мемлекеттік қызмет көрсету мәселесі жөніндегі анықтама қызметтерін: www.edu.gov.kz интернет-ресурсында «Мемлекеттік қызмет» бөлімінен, мемлекеттік қызмет көрсету мәселесі жөніндегі бірыңғай байланыс орталығындағы мына байланыстар арқылы, яғни 8-800-080-7777 және 1414 алуға болады..