Жаңа форматтағы атаулы әлеуметтік көмек аз қамтылған отбасыларға немесе азаматтарға қолдау көрсете отырып, кедейшілік шегінен шығару үшін кешенді қарастыруды көздейді. Жаңа форматтағы атаулы әлеуметтік көмек табысы ең төменгі күнкөріс деңгейінің 50 %-ынан төмен отбасыларға немесе азаматтарға шартсыз немесе шартты ақшалай көмек түрінде тағайындалады.
Жетікөл ауылы бойынша 18 жасқа толмаған балалар жәрдемақысын алушы 16 отбасына жаңа нысандағы атаулы әлеуметтік көмек тағайындау ерекшеліктері түсіндірілуде. Атаулы әлеуметтік көмек – жан басына шаққандағы орташа айлық табысы кедейлік шегінен төмен жеке адамдарға (отбасыларға) мемлекет ақшалай нысанда беретін төлем. Отбасының немесе жеке адамның әлеуметтік жағдайына байланысты, көмек екі түрге бөлінеді: шартсыз және шартты.
Шартсыз ақшалай көмек – жұмыспен қамтуға жәрдемдесу шараларына қатысу мүмкіндігі шектеулі аз қамтылған адамдарға (отбасыларға) ай сайынғы ақшалай төлемдер түрінде көрсетілетін атаулы әлеуметтік көмек түрі.
Шартты ақшалай көмек – жұмыспен қамтуға жәрдемдесу шараларына және (немесе) қажет болған жағдайда әлеуметтік бейімдеу шараларына міндетті түрде қатысу шартымен ай сайынғы немесе біржолғы ақшалай төлем түрінде аз қамтылған адамдарға (отбасыларға) көрсетілетін атаулы әлеуметтік көмек түрі. Атаулы әлеуметтік көмек туралы ақпаратты алу үшін тұрғындар тұрғылықты мекенжайы бойынша халықты жұмыспен қамту орталығына немесе кент, ауыл, ауылдық округі әкіміне жүгінеді. Жүгіну барысында – кеңес беру жүргізіледі.
Келіссөз барысында үміткер өз атынан немесе отбасы атынан өтінішпен жүгінеді. Құжаттарға негізгі құжаттар пакеті және қосалқы құжаттар пакеті кіреді.
Негізгі құжаттар пакетіне тиесілі:
1) әр отбасы мүшесінің жеке куәлігі; жеке қосалқы шаруашылығының бар болуы туралы мәлімет (қағидаларға 2-қосымша)
2) банк шотының нөмірі туралы мәлімет;
3) баланың (барлық балаларға) туу (қайтыс болу) туралы куәлігі (2017 жылғы 13 тамызға дейінгі тіркеулер бойынша)
4) өтініш беруші мәліметтерінің бала туу туралы куәлігіндегі мәліметтермен қайшылығы болған кезде неке жасасуды (некені бұзуды) тіркеу туралы куәлік (2008 жылғы 1 маусымға дейінгі тіркеулер бойынша)
Қосалқы құжаттар пакеті үшін, еңбекке жарамды отбасы мүшелері үшін қосымша тиесілі:
1) жұмыс іздеп жүрген тұлға ретінде тіркеуге өтініш;
2) еңбек қайраткерлігін растайтын құжат (бар болған жағдайда)
3)білімі, квалификациясы, арнаулы білімнің бар болуы немесе кәсіби дайындығы (бар болған жағдайда) жайлы құжат.
Құжаттар өтініш берушімен тұпнұсқаларын және көшірмелер түрінде салыстырып тексеру үшін ұсынылады. Жаңа форматтағы атаулы әлеуметтік көмек адамға жай ақшалай көмек беріліп қана қоймай, оның жұмысқа тұруы үшін көмек көрсетіледі, түрлі қайта даярлау және біліктілігін арттыру курсына жібереді және шағын несие береді. Осылайша отбасының кедейшілік шегінен шығуға жағдай жасалынады.