Тіршілік тынысы Tirshilik-tynysy.kz ақпараттық агенттігі
» » ҚЫРЫҚ ЖЫЛҒА ЖУЫҚ УАҚЫТТА СӨГІС АЛМАҒАН КІМ?

ҚЫРЫҚ ЖЫЛҒА ЖУЫҚ УАҚЫТТА СӨГІС АЛМАҒАН КІМ?

Салық – халықтың несібесі. Мен осы салада 38 жыл жұмыс істеп, зейнеткерлікке шықтым. Осыншама уақыт мемлекеттік қызмет атқару оңай емес. Бәлкім бағым шығар, бірде-бір рет сөгіс алмаппын. Осыдан екі-үш жыл бұрын аудандық Мемлекеттік кірістер басқармасының басшысы Мұханбендяр Әбдіхалықов ұжыммен бірге зейнет демалысына құрметтеп шығарып салды.
Құрметті демалыста жүрсек те қырық жылға жуық уақыт еңбек еткен ұжымның тыныс-тіршілігінен хабардар болып, жетістіктеріне марқайып оты­рамыз. Еліміз егемендік алғаннан кейін Салық комитеті кұрылды. Соңғы бес жылда ұжым ҚР Мемлекеттік кірістер комитетіне қарады. Биылғы 14 тамызда мекеменің Мемлекеттік кірістер басқармасы аталғанына 5 жыл толады. Бұл да бір жарқын белес. Аудандық басқарма облыста алдыңғы қатарда. Ұжымды талай мықты кадрлар басқарып, облысқа қызметтері өсіп кетті. Қазірде басшылыққа келіп жатқан жастарға табыс тілеймін. Ұжымда қалыптасқан жұмыс ырғағы толастамақ емес.

Әкима ДОСЫҒҰЛОВА
қаржы саласының ардагері
10 тамыз 2019 ж. 604 0