Талап қоюшы өзінің интернет-алаяқтардың құрбаны болғанын, азаматтық-құқықтық қатынастардың жоқтығына қарамастан, жауапкерге ақша аударып, соның есебінен жауапкер негізсіз байығанын көрсеткен.

Сотта талап қоюшы жіберген ақшаның жауапкердің шотына түскені банк құжаттарымен расталып, тараптардың бір-бірімен таныс болмағаны және олардың арасында қандай да бір міндеттемелер болмағаны анықталды.

Жауапкер ақшаны қайтару бойынша шара қолданбаған және қаражатты заңды негізде алғанын дәлелдейтін айғақтар ұсынбаған.

Сот шешімімен талап қою қанағаттандырылып, жауапкерден талап қоюшының пайдасына 6 000 000 теңге негізсіз баю сомасы, өкілдің қызметіне кеткен шығын 60 000 теңге баж өндіру туралы шешім шығарды.