«Рухани жаңғыру» бағдарламасын іске асыру бағытында 4 кіші бағдарлама аясында білім беру мекемелерінде біршама жұмыстар атқарылып келеді. Атап айтқанда: аудандағы барлық мектептердің 11 сынып оқушылары арасында «Рухы биік елдің болашағы кемел», «Отан отбасынан басталады», «Туған жер - алтын бесік», «Туған жердей жер болмас, туған елдей ел болмас» тақырыптарында тәрбие сағаттары, 5-6 сынып оқушылары арасында «Жырым сенсің - туған ел!»,«Туған жердің тарихын - өз баласы жырлайды», «Туған жер –тұғырың!»тақырыптарында мәнерлеп оқу сайыстары өткізілді.
9-10 сынып оқушыларымен «Алдымен сүй, ардақта ата-анаңды», «Ұстаз ұлы есім» тақырыбында ата-аналармен, ардагер - ұстаздармен әңгімелесулер, кездесу кештері өткізілді.
Оқушылардың жалпы дүниетанымын кеңейту, қазақ халқының тарихын, мәдениетін, салт – дәстүрлерін құрметтеуге тәрбиелеу мақсатында 7-8 сынып оқушылары арасында «Қазақтың салт - дәстүрлері», «Ата салтына адалдық» тақырыптарында шығарма, эссе жазу байқаулары ұйымдастырылды.
10-11 сынып оқушылары арасында «Имандылық жарасады ұл-қызға», «Дін - имандылықтың бастауы», «Рухани жаңғырудың маңыздылығы неде?» тақырыптарында жоғарғы сынып оқушылары арасында дөңгелек үстелдер, дебаттар өткізіліп, қазіргі таңдағы өзекті мәселелер талқыланды.