Пәндік сайыстан респубикалық кезеңнің жеңімпаздары
Бүгін, Сырдария аудандық білім бөлімінің мәжіліс залында пән мұғалімдерінің кәсіби сайыстар бойынша республикалық кезеңінің жеңімпаздары және оқушылардың ғылыми зерттеу жұмыстар бағытындағы халықаралық, республикалық кезеңінің жүлдегерлерімен және олардың жетекшілерімен, Сырдария ауданы бойынша білім бөлімінің басшысы Е.Т.Жақып қабылдау өткізді.«Пән мұғалімдерінінің кәсіби байқауының республикалық кезеңінде екі ұстазымыз жүлделі І орын иеленсе, мектеп оқушыларының халықаралық зерттеу жобалар конкурсынан екі оқушы жүлделі орындар, сонымен бірге зерттеу жобалар конкурсының республикалық кезеңінен үш оқушы жүлдегерлер қатарынан көрінді. Бұл өте жақсы көрсеткіш. Әрине бұл жерде жетекші ұстаздарының да қажырлы еңбегі бар» – деді өз сөзінде Еркебұлан Төлепбергенұлы.
Сонымен қатар, бөлім басшысы барлық жүлдегер атанған оқушылар мен ұстаздарды құттықтап естелік сыйлықтар тапсырып, оқушыларын республикалық кезеңге жоғары деңгейде дайындаған жетекшілерін арнайы Алғыс хатпен марапаттады.
