Аудан әкімі «Зерде» конкурсының жүлдегерлерімен кездесті

Бүгін аудан әкімі Мұрат Ергешбаев XVII республикалық «Зерде» конкурсында жүлделі орын алған №42 мектеп-лицейінің 4-сынып оқушылары Айзере Төлеген, Назерке Қайролла мен №137 орта мектебінің 3-сынып оқушылары Іңкәр Құдайберген, Жанниет Бердібекті ұстаздарымен қабылдап, мектеп ұстаздары мен шәкірттеріне зор шығармашылық табыстар тіледі. Қабылдау соңында Республикалық «Зерде» конкурсының жеңімпаздары мен ұстаздарына аудан әкімінің «Алғыс хаты» мен сыйлықтары табыс етілді.

Айта кетейік, Бурабай қаласында «Дарын» республикалық ғылыми-практикалық орталығының ұйымдастыруымен өткізілген XVII республикалық «Зерде» конкурсына Қызылорда облысы бойынша 18 жобамен 21 оқушы қатысты. Байқау нәтижесі бойынша Қызылорда облысы 16 жоба мен 18 оқушы жүлде иеленді. Сырдария ауданынан 2 жобамен 4 оқушы қатысып, II және ІІІ дәрежелі дипломдармен марапатталды.

Сырдария ауданы әкімінің баспасөз қызметі