Берекелі Наурызды қазақ ықылым заманнан жаңа жыл деп қабылдаған. Көктем келіп ағаштардың жаңадан бүршік атуы, жыл құстарының жылы жақты қайта бетке алуы, мұз қатқан көлдердің сылдырап ағуы, тіршілік атаулының жандануы, жаңа кезеңнің басталуы, қыстан аман шыққан ағайынның арқа-жарқа қауышуы бәрі-бәрі жаңашылдықтың белгісі іспеттес. Талай жазушының қалам тербеуіне себеп болған, талай ақынның өлеңіне арқау болған көктем табиғатының түрленуі мен жаңаруы расында да бейне бір жылылықты сезіндіреді. Атаулы күні мемлекеттік мекеме қызметкерлері Батырхан Шүкенов атындағы саябақта тал егіп, ағаш діңгектерін әктеді. Тарихтан тін тартып, ұмыт болғанымыздың түгелін дерлік ұлт жадында жаңғырта алсақ жалпы «Жаңарудың» негізі осы.