Камералдық бақылау жұмыстары қорытындыланды

Қызылорда облысы бойынша Ішкі мемлекеттік аудит департаментімен (бұдан әрі – Департамент) 2023 жылдың 01 қаңтар – 31 желтоқсан аралығына 21 295 лот сомасы 777 млрд. 565 млн. теңге құрайтын мемлекеттік сатып алулар камералдық бақылаумен қамтылды. Оның ішінде 2 297 лот сомасы 53 млрд. 056 млн. теңгеге сатып алулар бойынша бұзушылықтар анықталды.

Камералдық бақылаумен анықталған негізгі бұзушылықтарға тоқталсақ, тапсырыс берушілермен артық талап қою арқылы барлық мемлекеттік сатып алуға қатысушыларына тең мүмкіндік беру принципінің бұзылуымен мемлекеттік сатып алуларды жариялау, рұқсаттар және хабарламалар туралы заңнамасында белгіленбеген құжаттарды әлеуетті өнім берушілден талап етуде кемшіліктер орын алды. Сонымен қатар заңда көрсетілмеген негіздер бойынша бір көзден сатып алу жүргізу немесе бір көзден сатып алулар рәсімдері бойынша заңнама талаптарын сақтамау, Мемлекеттік сатып алу заңнамасында белгіленбеген жағдайлар бойынша, әлеуетті өнім берушілердің сатып алынатын тауар, жұмыс, көрсетілетін қызмет нарығындағы жұмыс тәжірибесінің болуын белгілеу және тағы да басқа.

Өз кезегінде, Департамент тарапынан камералдық бақылауды уақытылы және сапалы жүргізу бойынша жұмыс одан әрі жалғастырлатын болады.

Қазақстан Республикасының «Мемлекеттік сатып алу туралы» Заңымен белгіленген тәртіпке сәйкес мемлекеттік сатып алуды ұйымдастырушылардың шешімдеріне әлеуетті өнім берушілер веб-портал арқылы шағымдануға құқылы. 31.12.2023 жылғы жағдай бойынша Департаментке әлеуетті өнім берушілермен 2 615 шағым берілген, оның ішінде 1 222 шағымда (46,8%) көрсетілген уәждер өз дәлелін тапқан, ал 1 388 шағымданушының (53,2%) уәждері дәлелін таппады.

С.Ержанұлы,
Қызылорда облысы бойынша Ішкі мемлекеттік аудит департаментінің

камералдық бақылау бөлімінің басшысы

Фото ашық дереккөзден