«Ақберен» байқауының облыстық кезеңі екі оқушыға республикаға жол ашты
2025 жылғы 21 қазанда өткізілген «Ақберен» Республикалық өнер байқауының облыстық кезеңі шығармашыл оқушылардың өнерімен ерекшеленді. 8-11 сынып оқушылары арасында өткізілген бұл сайыс 6 негізгі номинация бойынша өткізіліп,ауданымыздан 5 оқушы қатысты.Рухани құндылық пен сөз өнерін дәріптеген «Ақберен» байқауының облыстық кезеңінде екі үздік оқушымыз І орынды иеленіп, «Ақберен» байқауының республикалық кезеңіне жолдама алды.
«Көркемсөз оқу» бағыты бойынша №132 Т.Айтбаев атындағы орта мектептің 10 сынып оқушысы Қаймолдаева Жания жеңімпаз атанды (жетекшісі Гүлзат Амангелдиева).
«Ақындар мүшайрасы» бағыты бойынша №139 орта мектептің 11 сынып оқушысы Айнұр Нұрланқызы жеңімпаз атанды. (жетекшісі Жансая Рүстембекова)
Шәкірттеріміз өздерінің дарындарын танытып, шеберлігімен ерекшеленді. Бұл жетістік — шәкірт еңбегімен қатар, жетекшілерінің бағыт-бағдары мен тынымсыз еңбегінің жемісі.
Жетекшілеріне шығармашылық табыс, ал жас таланттарымызға республикалық додада сәттілік пен шабыт тілейміз!
