Тоғыз іс-шара тыңғылықты ұйымдастырылды

Үкіметтік емес ұйымдардың жобаларына қолдау көрсету жұмыстары Сыр өңірінде, оның ішінде Сырдария ауданында заң аясында жақсы ұйымдастырылуда. Мәселен, биыл Сырдария аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің тапсырысы аясында «Қызылорда облысының жастар Одақтары» қоғамдық бірлестігі бірқатар іс-шара ұйымдастырды.

Сырдария аудандық жұмыспен қамту және әлеуметтік бағдарламалар бөлімінің тапсырысы аясында әлеуметтік маңызды іс-шараларды бас бостандығынан айыру орындарынан босатылған  және босатылатын, сонымен қатар пробация қызметінің есебіндегі азаматтарға көрсетілген қызметтерді жүзеге асырды. Атап айтқанда, аудан бойынша мемлекеттік әлеуметтік тапсырыс аясында және «Қызылорда облысының жастар Одақтары» қоғамдық бірлестігінің ұйымдастыруымен әлеуметтік маңызды іс-шара­ларды бас бостандығынан айыру орындарынан босатылған және босатылатын, сонымен қатар пробация қызметінің есебіндегі азаматтарға тамыз айынан бас­тап екі мәрте психологиялық, заңгерлік көмек және кеңес берілді. Пробация қызметінің есебіндегі азаматтардың отбасыларына тамыз және қараша айында екі қайырымдылық пакет таратылды. Тамыз айында пробация қыз­метінің есебіндегі азаматтарға қосымша тағы семинар-тренинг ұйымдастырылды. Тамыз айында пробация қызметінің есебіндегі азаматтардың балаларына мектепке жол акция­сы ұйымдастырылды. Саламатты өмір салтын қалыптастыру және насихаттау мақсатында тамыз және қазан айында пробация қызметінің есебіндегі азаматтар арасында екі рет спорттық іс-шара өткізілді. Қазан айында пробация қыз­метінің есебіндегі азаматтар мәдени іс-шараға қатыстырылды. Бұл іс-шара­лардың барлығы ауданда ұйымдастырылды.

«Қызылорда облысының
жастар Одақтары»
қоғамдық бірлестігі