Қоғам болып күрескенде ғана төтеп береміз

Сыбайлас жемқорлық – заман ағысымен бірге өсіп-өр­кендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге де­йін жойылмай отырған кеселдің бірі. Кез келген өр­ке­ниет­ті қоғам үшін сыбайлас жемқорлықпен күрес ең өзекті сұрақтардың бірі болып табылады. Осы ретте Тереңөзек кенті әкімдігі тарапынан жем­қор­лықты болдырмау жұмыстары тұрақты түрде жүргізілуде.

Үлкен әлеуметтік қасірет болып табылатын жемқорлық қылмыстары саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны айқын. Қа­зақ­стан Республикасының «Сыбайлас жем­қорлыққа қарсы іс-қимыл туралы» Заңына сәйкес, сыбайлас жемқор­лыққа қарсы іс қимылды барлық мем­ле­кеттік органдар мен онда қызмет атқаратын лауазымды тұлғалар жүргізуі тиіс. Қа­зақстан Республикасының заңнама­лары­на сәйкес, сыбайлас жемқорлық қылмыстарға негізінен лауазымды қыл­мыстар жатады. Деректер көрсеткендей, қызмет өкілеттілігін теріс пайдалану, би­лікті не қызметтік өкілеттілікті асыра пайдалану, пара алу, пара беру, пара­қорлыққа делдал болу, қызметтік жал­ғандық жасау, жалған сөз жеткізу, сеніп тапсырған бөтен мүлікті иеленіп алу немесе ысырап ету, жалған жауап беру, лауазымды адамның сот үкімін, сот шешімін немесе өзге де сот актісін орындамау, осындай қылмыстардың барлығы жемқорлық сыбайластық байланыстарды пайдалану арқылы жасалады. Осындай келеңсіз құбылыстармен күрес жүр­гізу – тек сот және құқық қорғау мемлекеттік органдардың міндеті ғана емес, әрбір ұлтжанды азаматтардың парызы. Мұндай ауыр дертті тек мемлекет және құқық қызметкерлерінің күшімен жеңе алмаймыз. Жемқорлықтың алдын бүкіл халық болып қолға алсақ қана тоқ­татуға болады. Сол себептен барлық мемлекеттік органдар мен лауазымды адамдар өз құзыретінің шегінде сыбайлас жемқорлыққа қарсы күрес жүргізуге міндетті.

Бүгінде барлық мекемелерде сенім телефондары жұмыс жасайды. Мемле­кеттік органдардың қызметшілері ха­лық­қа мемлекеттік қызметтерді электронды түрде қол жетімділігі жөнінде кеңінен насихаттауда. Бұл да белгілі бір дәрежеде сыбайлас жемқорлықтың алдын алудың жолы.

Мемлекеттік қызметшілерге сыбайлас жемқорлыққа құқық бұзушылыққа бой алдырмайтындай үлкен күш пен сенім қажет. Оған ең алдымен қызметшілердің білім деңгейінің әдептілік ұстанымының төмен болуы әсер ететін болса керек.Ертеңгі болашағы үшін алаңдайтын әр­бір саналы азамат жемқорлықты ауыз­дықтау ісінде өз үлесін қосқаны абзал.

Қорыта келе, жемқорлыққа қарсы күрес жан-жақты, үздіксіз, ашық және әділетті түрде жүргізілуі тиіс. Қоғам болып күрескенде ғана сыбайлас жемқор­лыққа төтеп бере аламыз.

Индира БАКИРОВА,
Тереңөзек кенті әкімі
аппаратының бас маманы