Темірден түйін түйген

Күнделікті адал ең­бектің қадірін білген кәсіби маманның қыз­­метіне көпшіліктің сұ­ранысы жоғары. Мемлекет басшысы Қасым-Жомарт Тоқаев бір сөзінде «Әді­летті Қазақстанда еңбек адамы бірінші орында­ тұрады» деген болатын. Расында, біздің арамызда еңбегімен дараланған жандар­ жеткілікті. Соның бірі – темірден түйін түй­ген тереңөзектік Бақыт­жан Қызылбаев. Бір­неше жылдан бері ол дәнекерлеуші ретінде халыққа сапалы қыз­метін ұсынып келеді.

Бәкең – Тереңөзек кентінің тумасы. Осыдан 31 жыл бұрын №131 Талғат Қозыбаев атындағы орта мектептің та­балдырығын аттаған оның темір бұйы­мын жасауға ынтасы зор болған. Осылайша, 9 сыныпты тәмамдағаннан ке­­­­йін кейіпкерім қазіргі Сырдария аг­рар­лы-техникалық колледжіне оқуға қа­был­данады. Біліктілігі жоғары әрбір ұс­таздың тәліміне тереңнен қаныққан сту­дент темірді дәнеркелеуді меңгеріп шығады. Одан соң Қызылордада «Есеп және аудит» мамандығы бойын­ша жо­ғары оқу орнының дипломын ал­са да темірден түйін түю оның өз қалауы бол­ған. Теория мен тәжірибені ұш­тас­ты­ра білген шебердің «Сельхозтехника» мекемесінде алғашқы қызмет жо­лы басталған.

– Мен өз қызметіммен мақтанамын. «Сельхозтехника» мекемесінде қызмет ете жүріп, мамандықтың қыр-сырына қаныққан болатынмын. Дәнекерлеуші ретінде арнайы аппаратпен жұмыс жа­сауды игере алуға мүмкіндік туды. Мырзабай, Ұзақбай, Мырзағұл секілді ағаларымыздың жанына еріп, темірден сан түрлі бұйым жасаудың техноло­гия­сын меңгердім. Біз қызмет еткен жы­лы Тереңөзек кентінің көркейту-көгал­дан­дыру жұмысына атсалыса білдік. Кенттегі ор­талық саябақтың қор­шауы үшін арнайы темір қора жасап шы­ғар­дым. Қазіргі уақытта кез келген бұ­йым­ды тап­сырыс берушінің қалауы бо­йынша дайындап беруге машықтандым, – дейді шебер.

Шынында, Бәкеңнің есімі аудан жұрт­шылы­ғына жақсы таныс. Бір жылда­ры дәнеркелеуші маман вахталық әдіс бойынша мұнай компаниясында жұмыс істеп, тәжірибесін толықтыра түскен. Кейіннен жеке кәсібін ашып, темір бұ­йымын жасау мақсатында жергілікті ха­лықтан тапсырыс қабылдайды. Оның қолынан шыққан дарбаза, әткеншек, орындық, тапшан, қоқыс жәшігі секіл­ді­ бірнеше темір бұйымы сапасы жағы­нан ерекшеленіп тұрады. Өлшем мен дәлдікті, ойдың ұшқырлығын қажет ете­тін аталған қызметтің өзіндік баға­сы да жоғары болады. Бұл ретте, дәнекер­леуші өзі дайындаған кез келген бұйым­ның нарықтағы бағасын бекітіп қойған.

– Әрбір жұмыстың өзіндік қиын­ды­ғы бар. Темірді иіп, одан ою-өрнек құрастыруға ұзақ уақыт кетеді. Қазіргі уақытта заманауи үлгі­дегі темір бұйы­мын құрастыру арқылы жұрт­шы­лық­тың сұранысын қанағаттан­ды­ра­мыз. Әрине, құрылыс жұмысы қар­­қынды жүргізіле­тін үлкен қала­лар­да дәнеркелеуші қыз­метін жо­ғары бағалайды. Өз басым ға­сыр құ­ры­лысына баланған аудандағы үлкен кө­пірдің салынуына атсалыстым. Сонымен бірге Қызылорда қаласында­ғы тағы бір көпірдің сәтті аяқталуына өзін­дік үлесімді қостым. Шын мәнінде, қолымнан келген адал ісім арқылы ха­лықтың зор қажеттілігін өтейтін кө­пір құрылысының басы-қасынан та­был­­­ғаныма бек қуаныштымын. Айта ке­­тейін, мен аудандық газетті үзбей оқимын. Жергілікті басылымды да­йын­­­дайтын шығыр­машылық құрам мен әрбір тарату­шы­ның еңбегін шынайы бағалауымыз керек. Сондықтан оқыр­ман тарапынан га­­зет салатын темір жә­шікке тапсырыс түссе, қуана-қуана жасап беруге әзірмін. Себебі қысы-жазы дамыл көрмейтін газет та­ратушы­ның еңбегін бағалауымыз керек, – дейді тәжірибесі мол дәнекерлеуші.

Қызметі көпшілік арасында жоғары бағалана білген Бәкең тәулік бойы дамыл таппайды. Құрал-жаб­дығын ар­­қа­­лаған оның жастарға үйретері көп. Тұр­ғын үйлердегі жылу жүйесін дәне­кер­леу, үйге газ кіргізу сияқты қызмет түрін де мұқият орындайды. Маңдай термен келген табы­сының арқасында ең­бек адамының күн­көріс көзін еселей алатындығын дәлелдеп жүр. Бұл ретте, «Еңбегімен ел таныр», «Еңбек – ердің айнасы», «Еңбек ептілікті сүйеді» деген тәмсіл Бақытжан Қызылбаев секілді еңбек адамына қа­рата айтылғандығын сезе­міз.

Тәжіри­белі маманның қашанда ор­ны төрде болуы тиіс. Әрқашан оның еңбегі еш кетпей, уақытында бағаланғаны дұ­рыс деп есептейміз.

Балтабай ОРДАБЕКОВ