Республикалық байқауда топ жарды

Жақында редакциямызға №36 Ә.Тәжібаев атындағы мектеп-лицейі жанындағы «Балапан» шағын орталы­ғының әдіскері Әлия Берденова хабарласып, сүйінші хабарды жеткізді. Орталықтың тәрбиеленушілері республи­калық «Жібек жолы» байқа­уында топ жарып, ауданның абыройын асырды.

«Балапан» шағын орталығының өнерлі бүлдіршіндері эстрадалық және аспапта орындау жанры бойынша байқаудың жүл­дегері атанды. Кішкентай бүлдіршін Шах­наз Өтеш «Біз бақытты баламыз» әнін орындап, Гран-При жүлдесін жеңіп алды. Бүл­діршінді байқауға дайындаған жетек­­шісі Әлия Тоқшылыққызына «Үздік жетек­ші» но­минациясы табысталды.

Сонымен қатар байқауда ерекше өнер көрсетіп, «Аспаптар әнін» нақышына кел­тіріп, ұлттық аспапта ойнау арқылы әнді үздік орындап шыққан сырдариялық балапандар да байқаудың бас жүлдесін жеңіп алды.

– Бүлдіршіндерді өнерге баулып, рес­пуб­ликалық деңгейдегі байқауға да­йын­даған орталықтың әуез жетекшісі Инди­ра Қодарованың еңбегі зор. Әрбір ба­ланың қабілетіне қарай аспап таңдап, оны мең­гертіп, үйреткен ұстазға алғысымыз мол. Қызым Маржан бес жаста. Биылғы оқу жылында орталыққа барды. Байқауда қы­зым сылдырмақта ойнады. Сахнадағы өнер­ле­рін тамашалап, риза болдық. Жетек­шіге көп рақмет, – дейді ата-ана Жамиля Молдахметова.

Құрамында жеті өнерпазы бар шағын ансамбльде 4-5 жастағы Рамазан Төлебай, Айлин Ғалымжан, Айбын Алиасқар, Маржан Жармағанбетова, Арманжан Әшімов, Таңшолпан Әділбек, Бағжан Ибрагим өз­дерін үлкен сахнадағы өнерін жоғары дең­гейде орындап шықты. Олардың әрқай­сысы домбыра, шаңқобыз, сазсырнай, сыл­­дырмақ, асатаяқ, даңғыра, тұяқтас се­кіл­ді аспапта сәтті ойнап, қосыла ән айтты. Өнер тобының жетекшісі И.Қодарова да «Үздік жетекші» номинациясымен марапатталды.

Бүлдіршіндердің жетістігіне орай мек­теп-лицей директоры Ж.Төреқұлова қа­былдау жасап, құттықтады.

– Балақайлардың республикалық дең­гей­­дегі байқауда топ жаруы – үлкен қуа­ныш. Бұл – әрине, ұстаздарының еңбегі. Жас дарынды өнерге баулып, шығармашы­лық қабілеттерін шыңдап, өнерге деген қызы­ғушылықтарын арттырып, бәйгеге қо­сып, қос бірдей жүлдемен оралу – керемет же­тістік. Шағын орталықтағы бүлдір­шін­дердің болашақта қазақ өнеріне деген сүйіспеншілігі одан сайын артатын болады, – дейді мектеп-лицей директоры.

Елуге жуық өнерлі бүлдіршін қатысқан байқаудың жеңімпазы Шахназға Гран-При жүлдегері ретінде Астана қаласында өтетін байқауға жолдама тапсырылды. Жас өнерпаздың ән қанатындағы биік бе­лесіне сәттілік ті­лейміз!

Б.ТАҢАТАРҚЫЗЫ