Түсіндірме жұмыстарын жүргізді

Қоғамда зорлық-зомбылық өзекті саналады. Мұндай жағдайға маскүнемдік салдарынан баратындар қатары көп. Сондықтан ішімдікті көп тұтынатын тұрғындарға тиісті түсіндірме жұмыстары құқық қорғау қызметкерлері тарапынан жүргізіліп келеді.

Сырдария аудандық полиция бөлімінің жергілікті полиция қызметінің әйелдерді зорлық-зомбылықтан қорғау тобының инспекторы Н.Байжанов пен учаскелік полиция инспекторы Қ.Ережепбаев аудан орталығы - Тереңөзек кентінде алкогольдік ішімдіктерді теріс пайдаланушылар бойынша есепте тұратын тұрғындарың үйлеріне арнайы барып, түсіндірме жұмыстарын жүргізді.

Атап айтқанда, полиция қызметкерлері ішімдік ішіп, қоғамдық тәртіпті бұзбау керектігін атады. Сондай-ақ, оның салдары зорлық-зомбылыққа әкелуі мүмкін екенін айтып, кез келген тәртіп бұзушылық, қоғамдық тыныштықты бұзу жауапкершілікке әкелетінін ескертті.

Тәртіп сақшылары мұндай іс-шараларды үнемі жүргізіп, назарда ұстап отырады.

"ТТ" ақпарат