Қыз-келіншектерге түсіндірме жұмысын жүргізді

«Зорлық-зомбылықсыз 16 күн» акциясы аясында Сырдария АПб-нің жергілікті полиция қызметі бөлімшесінің әйелдерді зорлық зомбылықтан қорғау тобының инспекторы, полиция лейтенанты Нұрбол Байжанов кент орталығында орналасқан "Serikbol" сауда үйі мен "Ansar" дәріханасында, кент көшелерінде  қыз-келіншектерге түсіндірме жұмысын жүргізді.

Өз кезегінде сала маманы  акцияның маңыздылығына тоқталып, әйелдерді зорлық-зомбылықтан қорғау алғы-шарттарын айтты. Отбасылық жанжал салдарынан нәзік жандылардың өміріне қауіп төндіретін негізгі факторларды атады.

Сонымен бірге, кент тұрғындары арнайы маманға көкейдегі сауалдарын қойып, тұщымды жауаптар ала білді.