Белсенділер марапатталды

Бүгін «AMANAT» партиясы Сырдария аудандық филиалының төрағасы, аудан әкімі М.Ергешбаевтың төрағалығымен республикалық референдум қорытындысы бойынша аудандық штаб құрамында белсенділік танытып, референдумның сәтті өтуіне атсалысқан партия белсенділері мен жақтастарына Қазақстан Республикасының Президенті Қасым-Жомарт Кемелұлы Тоқаевтың, партия Төрағасы Ерлан Қошановтың, партияның Атқарушы хатшысы Асхат Ораловтың Алғыс хаттарын табыстады.

– Саяси іс-шараның ауданымызда жоғарғы деңгейде өтуіне атсалысқан партия филиалы жанындағы штаб мүшелеріне, сонымен қатар науқан барысында партиядан өкіл болған азаматтарға ризашылығымды білдіремін,– деді Мұрат Нәлқожаұлы.

Іс-шараны қорытындылау кезінде аудандық мәслихат хатшысы Е.Әжікенов, "Қоғалыкөл" бастауыш партия ұйымының төрағасы С.Каюпов сөз сөйлеп, барша марапат иелеріне құттықтау лебіздерін білдірді.