Табиғи газды тұтыну талаптарын түсіндірді

Бүгінде Тереңөзек кен­ті тұрғындары­ның 75 пайыздан астамы та­биғи газдың игілігін көріп отыр. Сол ар­қылы артық қиыншы­лық­тардан құтылған. Десе де табиғи газды дұрыс пайда­ланбау адам өміріне қа­уіп төндіреді. Осыған орай сала мамандары кент тұр­ғын­да­рына түсіндірме жұмыс­тарын жүргізді.

«Қызылорда газ тарату жүйесі» мекемесі директорының орынбасары Б.Искаков, мекеменің аудандық директоры Е.Есенгелді, сала қызметкерлері аудандық төтенше жағдайлар бөлімі мамандарымен бірлесе тұрғын үйлерді және әлеуметтік нысандарды аралады. Аралау барысында жылыту пештері мен мұржалардың уақытылы тазартылуын, газды пайдалану кезінде қауіпсіздік ережелерін сақтауды, өрт қауіпсіздігінің алдын алуды атап, қауіпсіздікке мән бе­руді айтты.

– Табиғи газдың тиімділігі көп. Алайда мұның адамға өте қауіпті екенін біл­ген дұрыс. Себебі тұрмыстық жағдайда табиғи газды дұрыс пайдаланбай, жылыту пештерінде ақаулардың болуы үлкен қауіп төндіреді. Сондықтан газды пайдаланғанда қауіпсіздік ережелерін қатаң сақтаған дұрыс. Ал ақаулар бол­ған жағдайда сала қызметкерлерінің кө­мегіне жүгінген жөн. «Қызылорда газ тарату жүйесі» мекемесінің маман­дары сапалы қызмет көрсетеді, – деді «Қызылорда газ тарату жүйесі» ме­кемесі директорының орынбасары Бек­нұр Искаков.

Мамандар тамақтану және сауда орындарында да арнайы түсіндірме жұ­­мыстарын жүргізіп, тұрғындарға арнайы ескертпелер таратты.

Ердос СӘРСЕНБЕКҰЛЫ