Бағдәулет Махашев "Сырдария ауданының Құрметті азаматы"

Бұрнағы күні  аудандық мәдениет үйінде Қазақстан Республикасы Тәуелсіздігі күніне арналған «Тәуелсіздік – Тәңірден келген тәтті сый» атты салтанатты жиын өтті. Салтанатты жиында аудан әкімі Руслан Рүстемов жиналған жұртшылықты ұлық мерекемен құттықтап,  «Жан-Арай» ЖШС директоры, облыстық мәслихат депутаты Бағдәулет Махашевке «Сырдария ауданының Құрметті азаматы» атағын табыс етті.

Бағдаулет Махашев – «Жан-Арай» ЖШС директоры. 2009 жылдан бастап  «Қызылдихан» шаруа қожалығының жұмысын қолға алып,  қожалықта 850 гектар жерге күріш егіп, 300 гектарға жоңышқа дақылы орналастырды. Бағдәулет Мақашев ауданның экономикасына 1 млрд. теңгеге жуық инвестиция салып, О.Мәлібаев елді мекеніне қырман, гараж комплексін салдырды. Аудан халқын тұрақты жұмыс орындарымен қамтамасыз етіп келеді.