Елбасының «Болашаққа бағдар: рухани жаңғыру» мақаласы аясында №129 Ә.Жәмішев атындағы мектеп-лицейде аты ауылға ғана емес, күллі Сыр бойына, республикаға танымал тұлғалармен кездесу кеші өтті. «Ақылдың сөнбейтін шамшырағы» атты шығармашылық кештің иелері, "Дара жолдың" қонағы – ардагер ұстаз, талай шәкірттің ұлағатты ұстазына айналған, саналы ғұмырын білім жолына сарп еткен, бірнеше жылдар бойы мектеп басшылығында қызмет атқарған ардагер-ұстаз Біләл Махашов пен ауыл шаруашылығынын майталманы, күрішші, екі мәрте КСРО Жоғарғы Кеңесінің депутаты атанған Бексұлу Синаева болды.Кеште еңбек адамдары жас ұрпаққа туған ел, отансүйгіштік, халыққа адал қызмет ету тұрғысында келелі ой айтты. Саналы ғұмырын ұрпақ тәрбиесіне арнаған ардагер-ұстаз бен маңдай терін ел игілігіне төккен қазыналы қарттардың тағылымға толы ғибратты әңгімелері ұрпақ жадында жаңғыратыны сөзсіз.