Білім саласының ардагері, "Ы.Алтынсарин атындағы төсбелгінің" иегері Анар Ізбасарова "Сырдария ауданының Құрметті азаматы" атанды.

Ардагер-ұстазға құрметті атақты аудан әкімі Ғ.Қазантаев жыл қорытындысы бойынша өткен салтанатты іс-шарада табыс етті.

Айта кету керек, ардагер-ұстаз ауданның білім беру саласында 30 жылдан астам жемісті еңбек еткен. А.Ізбасарованың озық іс-тәжірибесі әріптестері арасында жоғары бағаланып, облыстық білім басқармасы тарапынан барлық мектептерге таратылған.

Ұлағатты ұстаз 1984 жылы "Аға мұғалім" атағына ие болса, 1986 жылы "Ыбырай Алтынсарин" медалімен марапатталған. 2010 жылдан бастап №35 И.Тоқтыбаев атындағы мектеп-лицейдің бастауыш ардагерлер ұйымының төрайымы. Ұлағатты ұстаздың өнегелі өмір жолы "Ай дидарлы аналар", "Сырдария", "Болсайшы, ұстаздардың бәрі осындай" атты кітаптарға енген.

Былтыр ұстаздың өзі ұзақ жылдар еңбек еткен №35 И.Тоқтыбаев мектеп-лицейі туралы кітабы жарыққа шықты.