Дұрыс тамақтану – аурудың алдын алады

Сәкен Сейфуллин ауылының фельдшерлік акушерлік бекетінің медицина қызметкерлері қарттар денсаулық мектебінің келушілерімен іс-шара өткізді.

Ақ халатты абзал жандар ауыл тұрғындарына Мемлекеттік әлеуметтік медициналық сақтандыру туралы түсіндірме жұмыстарын жүргізді. Алдағы жылдары қолданысқа енетін бұл жүйенің тиімділігі мен артықшылығы жайлы сұрақ-жауаптар төңірегінде әңгімеленді.

Сонымен қатар егде жастағы адамдардың дұрыс тамақтанудың маңызы айтылды. Қарттардың арасында жиі кездесетін қан қысымының көтерілуі, қозғалыстың аздығы, ұйқының бұзылуы түрлі аурудың бастамасы екені түсіндірілді. Салауатты өмір салтын ұстануды насихаттаған денсаулық сақшылары іс-шара барысында тақырыптық материалдар таратты.

Б.ТАҢАТАРҚЫЗЫ