Аудандық орталық кітапханада Дүниежүзілік денсаулық күніне орай «Дені сау ұрпақ – жарқын болашақ» атты денсаулық сағаты өткізілді.
Оған облыстық жастар денсаулығы орталығы дәрігері Д.Алашбаева, психологы А.Молдашева, облыстық салауатты өмір салтын қалыптастыру орталығының маманы Г.Жанәлиева, Сырдария аудандық ҚДСБ бас маманы Г.Түсмағамбетова, аудандық емхананың дәрігер – инфекционисі Г.Евнеева, аудандық спорт бөлімінің әдіскерлері Ж.Өмірбаев, Б.Бәкіров және №36 мектеп-лицейінің оқушылары мен ұстаздары қатысты. Шарада кітапханашы Г.Әбенова дұрыс тамақтанудың денсаулыққа берер пайдасы мол екендігін, оны бүгінгі медицина ғылымы дәлелдегенін айтып, оқырманға кең түсініктеме берді. Аудандық спорт бөлімінің әдіскерлері жастарды салауатты өмір салтын ұстануға шақырды.