Талаптыға нұр жауар
Біз Жадыраның суретшілік қырын балалар күніне арналған іс-шарада байқадық. Кішкентай қыздың салған үлкен мағынаға ие суреттері көңілімізден шығып, талантты оқушының туындыларын балалар шығармашылығы бетінде жариялауды жөн санадық.Жадыра Наршаева – №36 Ә.Тәжібаев атындағы мектеп-лицейінің 7-сынып оқушысы. Бала күнінен қылқаламға жаны жақын Жадыра қабілетін дамытуды жөн санаған. Бүгінде аудандық оқушылар үйінің сурет үйірмесінде дарынын жетілдіріп, кәсіби мамандардан бағыт алып жүрген өнерпаз шахмат үйірмесіне де қатысады. Жас өнерпаз өскенде еліміздің атын шығарып, көк Туды желбіретер чемпион болуды армандайды.
