МЕКТЕП МАҚТАНЫШЫ
Нұрайдың нұрлы жолы мектептен басталды. Ол 11 жыл бойы №36 Ә.Тәжібаев атындағы мектеп-лицейде үздік оқумен қатар қоғамдық жұмыстарға, спортқа белсене араласты. 2008 жылдан бастап аудандық балалар және жасөспірімдер спорт мектебінде тоғызқұмалақ үйірмесіне қатысып, аудандық, облыстық, республикалық жарыстарда жүлделі орындарды еншіледі. Н.Смат 2018 жылы ҚР спорт шебері нормативін орындады. Үйірме жетекшісі – ҚР-на еңбегі сіңген жаттықтырушы Білімжан Елеусінов. Мектеп-лицей мақтанышы 9-11 сыныптарда ағылшын тілі пәні бойынша республикалық олимпиадаларға қатысып, жүлделі орындарды еншіледі. Пән жетекшісі – Рая Есова.Үздік оқушы, талантты спортшы Нұрай Смат биылғы жылы №36 Ә.Тәжібаев атындағы мектеп-лицейді “Алтын белгіге” бітіріп отыр. Мектеп бітіруші түлекке ақ жол, сәт сапар тілейміз.
“Тт ақпарат”
