Киіз үйдегі көрініс
Сымбат Жармағамбетова №36 Ә.Тәжібаев атындағы мектеп-лицейдің 11-сынып оқушысы. Талантты оқушы аудан көлеміндегі сурет салу байқауларына қатысып, жеңімпаз атанып келеді. Ол бүгінде бірнеше мәрте қылқалам шеберлері арасында ұйымдастырылған жарыстарда топ жарып, ұстаздарының жоғары бағасына ие болды. Ізденісті серік еткен жас суретшінің болашақта биік белестерді бағындыратынына сеніміміз мол. Газетіміздің бүгінгі санында талантты оқушының шығармашылығына серпін беру мақсатында оның акварельді бояумен салған туындысын ұсынып отырмыз.
