Балалар ақынының шығармашылығымен танысты

Бүгін ауданға қарасты №1 филиал кітапханасында балалар ақыны Ермек Өтетілеуовтың шығармаларын насихаттау мақсатында "Бала тілін тапқан ақын аға" атты балалар ертеңгілігі болып өтті.

Ертеңгілікке №36 Ә.Тәжібаев атындағы мектеп-лицейдің 4 сынып оқушылары мен ұстаздары, кент ардагерлері қатысты. Шарада кітапханашы ақынның өмірі мен шығармашылығын таныстырды. Оқушылар балалар ақынының өлеңдерін жатқа оқыды.

Кеш соңында балалардың есте сақтау қабілетін арттыру бағытында "Кім тапқыр" ойыны ойнатылды. Ақын Ермек Өтетілеуовтың өмірдерегі мен шығармашылығынан сөзжұмбақ жасырылып, оқушылар сөзжұмбақ шешті.

"ТТ" ақпарат