Сан мен сапаға мән беретін ұжым
Жыл сайын елімізде 8 қарашада “Статистика күні” тойланады. Бұл мереке – 1920 жылдың 8 қарашасында бірыңғай статистикалық жүйенің негізі қалануымен тікелей байланысты.Сырдария аудандық ауруханасында статистика саласы бойынша бірнеше бағыттағы қызметті емхананың “Ұйымдастыру және әдістемелік жұмыс” бөлімінің мамандары жүзеге асырады.
Күнделікті аталған бөлімнің мамандары сан мен сапаға аса мән береді. Денсаулық сақтау саласындағы көрсеткішті жақсартуға бағытталған барлық жұмысты үйлестіреді. Қашанда қырағылық танытатын әріптестеріміз ыждағаттылық пен тиянақтылықты негізгі қағидаттарына айналдырған.
– Әрбір көрсеткішке жіті көңіл бөлетін сала мамандарының еңбегін ерекше бағалаймыз. 1998 жылдан бері кәсіби мереке ретінде тойланатын атаулы күнмен шын жүректен құттықтаймын! Тынымсыз еңбектің нәтижесін әрқашан көре бермекпіз – деді бас дәрігер Жанар Әшімқызы.
