Тіршілік тынысы Tirshilik-tynysy.kz ақпараттық агенттігі
» » Қадағалаушы орган қызметкерлері құрмет төрінде

Қадағалаушы орган қызметкерлері құрмет төрінде

6 желтоқсан – Қазақстан Республикасы прокуратура орган­дарының құрылған күні. Кәсіби мереке аясында аудан әкімі М.Ергешбаев аудандық прокуратура қызметкерлерін қабылда­ды. Кездесуге аудан прокуроры Асқар Кемалов, аудан әкімінің орынбасарлары, сала мамандары қатысты.

Сырдария аудандық прокуратура­сының қызметкерлерін кәсіби мерекемен аудан әкімі құттықтап, қадағалаушы орган жұмы­сына сәттілік тіледі.

– Прокуратура адам мен азаматтың кон­сти­туциялық құқықтары мен заңды мүд­делерінің тиімді қорғалуын қамтамасыз ету жөніндегі маңызды құқықтық институт бола отырып, мемлекеттік билік жүйесінде ерекше орын алады. Өздеріңізге белгілі, 1991 жылдың 6 желтоқсанында «Қазақ КСР прокуратурасы органдарының бірыңғай жүйесін құру, олардың дербестігін, тәуел­сіздігін қам­тамасыз ету туралы» қаулы қабылданды. Осы күнтізбеде жаңа мереке – Прокуратура органдарының құрылған күні пайда болды. Қоғамдағы заңдылық пен тәртіпті, азаматтардың конституциялық құқықтары мен бостандықтарын қорғау және тұтас мем­лекеттің құқықтық саясатын жүзеге асы­ру жолындағы еңбектеріңіз өлшеусіз. Бар­шаңызды бүгінгі прокуратура саласы қызметкерлерінің кәсіби мере­кесімен шын жүректен құттықтаймын! Заң­дылықты ны­ғай­ту жолындағы еңбек­теріңіз еселене бер­сін, – деді аудан басшысы.

Өз кезегінде аудан прокуроры Асқар Кемалов, аудан прокурының орынбасары Ержан Алтынбай, ҚР Бас Прокуратурасы құқықтық статистика және арнайы есепке алу жөніндегі комитетіне қарасты Қызылорда облысы бойынша басқармасының Сырдария ауданы бойынша құқықтық статистика және арнайы есепке алу саласындағы заңдылықты қадағалау жөніндегі статисті Керейтбай Нұрымов, Сырдария аудандық прокуратурасының прокурорлары Жаннұр Сиха, Дәуірбек Ұзақбаев, іс жүргізуші Жазира Аманова аудан әкімінің «Алғыс хатына» ие болды. Бұл ретте, аудан прокуроры Асқар Кемалов кәсіби мерекеде құрмет көрсеткен аудан әкіміне ұжым атынан ал­ғысын жеткізді.

Балтабай АЯБЕКҰЛЫ
07 желтоқсан 2021 ж. 493 0