Қоғалыкөлдік өнерпаздар қошеметке бөленді

«Болашаққа бағдар: Ру­хани жаңғыру» бағ­дар­ламасы аясында, ҚР Президенті Қ.Тоқаев­тың 2022 жыл Балалар жылы деп жариялануына орай Қоғалыкөл ауылы өнер­паздарының «Өнер­паз бол­­саң арқалан» ат­ты кон­церті өтті.

Қоғалыкөл ауылы – алқабы алтын дәнге, өрісі төрт түлік малға то­лы іргелі, салт-дәс­түрді берік сақтаған қасиетті мекен. Киелі топырақтан Алты Алашқа аты та­нылған тарихи тұлғалар өсіп-өнген. Елдің атын шығарған – Мұңайт­ба­совтар мен Лапиндер әулеті. Сонымен қатар ел тарихында алғашқы білім шырағын жаққан «Хан мектебі» атты білім ор­дасы осында болған. Мектепте қа­зақтың алғашқы Алаш зиялылары оқып білім алған. Ел мәдениетінің даңқын асырған ақын-жыраулар да қаншама! Әскербек Еңкебаев, аға­йынды Қожықовтар әулеті, әйгілі «Қыз Жібек» фильмінің кинорежиссері Сұл­тан Қожықов, театр падишасы Сәбира Майқанова секілді даралар ауылдан түлеген.

Туған жердің әр тасының, әр жо­лының өзіндік тарихы бар. Тарихтың тереңінен сыр шерткен Қоғалыкөл же­рі өзінің «Қыш қаласымен», «Ұлы Жі­бек жолы керуені» сүрлеу салған ұлы жолымен танымал.

Өнер әлемінде өзіндік үлес қосқып жүрген ата-әжелердің де өнерлері жо­ғары. «Қарттардың да өнерге бар таласы» дегендей, ауылдағы «Арда­гер» атты ата-әжелер ансамблі белсенді. Олар «Қайран ерлер, қаһарман ардагерлер» атты өнер фестивалінде ау­дандық, облыстық, республикалық бай­қаулардың жеңімпазы атанды.

Алғаш ән үйірмесіне келіп, ән әле­міне қанат қаққан жас әншілер С.Мұ­қанова, Қ.Сәтбаев, А.Мырқы, Қ.Ма­қаш сынды әншілер жалынды жыр, жүректі жыршыларды халыққа кеңі­нен насихаттап келеді. Көркемсөз оқу үйірмесінің белсенді мүшесі, талантты ақын Ержан Мұхиятдинов, Әсет Зулпар, Ақылбек Кетебай ха­лықаралық, республикалық, облыс­тық байқауларда өнерін көрсетіп жүр. Дуалы ауыз қариялар «Топырағына құт дарыған» деп баға берген ше­жірелі мекеннен әлі талай өнерпаз туып, өмір­ден өз орнын тауып қала­нары анық.

Қоғалыкөлдік өнерпаздарды ау­дан­­дық мәдениет және тілдерді дамыту бөлімінің басшысы құттықтады. Бөлім басшысы өнерпаздарға сәттілік тіледі.

Концерттік бағдарлама қазақ биі «Ша­­шумен» ашылды. Ауыл ар­­да­­гер­лерінен құрылған Әке­лер ан­самблінің орындауында Ө.Байділ­даев­­тың «Туған ел» әні орындалды. Клуб жанынан құрылған бала­лар хор ұжымы және ауыл өнер­паз­дары Г.Құдайбергенова, Ж.На­кипов, Қ.Сәт­баев, Р.Шүкірәлиева өнер көрсетті. Ауыл мақтанышы халық­аралық, рес­­­­­пуб­­ликалық, облыстық байқау­лар­дың дипломанты Қасиет Мақаш­тың­ өнеріне көрермендер қошемет көр­сетті.

– Ауыл өнерпаздарының концерті айтулы жыл аясында өтті. Киелі сахнада өнер көрсеткен жас өнерпаздар мен аға буын өкілдері халық ән­дерін, патриоттық әндер орындап, ыстық ықыласқа бөленді. Жанды дауыс­та ән салған өнерпаздардың өнері жоғары бағаланды, – дейді Қоғалыкөл ауыл­дық клубы басшысының міндетін ат­қа­рушы Гүлшара Сарбасова.

Өнер фестивалінде ән мен жырдан шашу шашқан қоғалыкөлдік өнер­паздардың өнері өрлей берсін!

Бибісара ЖАНӘЛІ