Ел каскадерлері әлемді мойындатты
«Томирис» фильмінің каскадерлері «Оскарын» алды.
«Томирис» фильмі Әлемдік каскадерлер академиясының «Таурус» сыйлығына ие болды, деп хабарлайды aikyn.kz
«Таурус» біздікі! Сіздермен үлкен қуанышымызбен бөлісуге асықпыз: «Томирис» фильмі Әлемдік каскадерлер академиясының (АҚШ) «Таурус» сыйлығын жеңіп алды. Бұл – каскадерлердің «Оскары» саналатын жоғары марапат. Тұңғыш рет еліміздің тарихында қазақстандық фильм «Шетелдік фильмдегі трюктер қойылымы» номинациясында үздік деп танылды. Nomad Stunts-қа сенгендеріңіз үшін және қолдауларыңыз үшін көп рахмет! Ақан Сатаев пен «Томирис» фильмінің командасына алғысымызды білдіреміз», – деп жазылған Nomad Stunts тобының Facebook-тегі парақшасында.
