АТА ЗАҢДЫ ҚҰРМЕТТЕУ БІЗДІҢ МІНДЕТІМІЗ

Ғасырлар тоғысында әлемдік өркениеттің шыңына ұмтылған ел тарихында тағдырлы шешім қабылдап, жасампаз жаңа дәуірге қадам бастық. Ата Заң біздің бүкіл жарқын болашағымыздың қайнар бастауына айналып, мемлекет бейнесін айшықтай түсті. Ширек ғасырдан астам уақыт шеңберінде Қазак елі демократиялық, зайырлы, құқықтық және әлеуметтiк бағытты айқын ұстанып келеді. Қазақстан халқының мызғымас бірлігінің арқасында талай белесті бағындыруға ұмтылдық. Мемлекеттiк билiктiң бiрден-бiр бастауы – халық екені рас. Ата Заң қашанда халық игілігі жолында қызмет етіп, елдің тыныштығын, тұрақтылығын сақтауды мақсат тұтады.

Егемендік алған тұстан бері білім саласына айрықша көңіл бөлініп келеді. Ең алдымен халық баласына сапалы білім бере отырып, жарқын болашақтың қалыптасуына зор үлес қосу маңызды. Қазіргі таңда білім саласы қызметкерлерінің әлеуетін көтеріп, кәсіби біліктілігін арттыру басты орында. Алдағы уақытта «Педагог мәртебесі туралы» Заңның қабылдануы ұстаздардың мәртебесін айшықтап, құқығын сақтауға бірден-бір себепкер болады. Еліміздің басты құжатына айналған, бүкіл халық болып қабылдаған Ата Заңды құрметтеу біздің міндетіміз әрі парызымыз болып саналады. Барша ұстаздарды «Конституция күні» мерекесі және жаңа оқу жылымен құттықтаймын.

Алмас Есназар,

аудандық білім қызметкерлері кәсіподақ ұйымының төрағасы